ရည်းစားစာ

အချစ်ရယ် ဒီစာကိုရေးလိုက်လို့ ကိုယ့်ငါးချဉ် ကိုယ်ချဉ်တယ်၊ မိကျောင်းမင်း
ရေခင်းပြတယ်၊ ခရု ခါးတောင်းကျိုက်ဖမ်းတယ်လို့ မထင်စေချင်ဘူးနော်။ ကိုယ့်မှာ
မင်းကိုချစ်မိမှပဲ ခဲမှန်ဖူးတဲ့ စာသူငယ်လိုလို၊ မပိုင်ဝက်မွေးဆိုသလိုလို၊
အိတ်ပေါက်နဲ့ ဖားကောက်ဆိုသလိုလို ဖြစ်နေပါပြီ။ အခုအချိန်မှာ ၀က်ဖြစ်မှတော့
မစင်ကြောက်နေ လို့လည်း မထူးတော့ပါဘူးလေ။ မင်းအဖေကို ပြောလိုက်ပါ မြင်းကမလှုပ်
ခုံကလှုပ်၊ ယုန်ကမတိုး ပိုက်ကတိုး ဖြစ်မနေပါနဲ့လို့။ ယူမှာက မင်းကိုပါ။
ဘယ်နှယ့်သူက ကဲကဲလှုပ်နေရတာလဲလို့။ ကြက်တူရွေးက တော်တော် မယ်ဘော်က
ကဲမနေပါနဲ့လို့။
မင်းအဖေက ကိုယ့်ကိုပြောတယ် ငကြောင် တဲ့။ မင်းဟာ
အလုပ်မရှိ ကြောင်ရေချိုးပေးနေတဲ့ ကောင်စားမျိုးတဲ့။ ဒါပေမဲ့ပြောလိုက်ပါ
ကိုယ်ဟာ ကြောင်သူတော် ကြွက်သူခိုးမဟုတ်သလို တောမီးလောင်
တောကြောင်လက်ခမောင်းခတ်တဲ့ ကောင်စားမျိုးတော့ မဟုတ်ပါဘူးလို့။ ကိုယ့်ရဲ့
မဖြစ်စလောက်သာရတဲ့ လစာလေးဟာ ကြောင်အို ကြွက်မလေး ဆိုသလိုဖြစ်နေတော့လေ…….
နောက်ပြီးတော့ မင်းကို လာလာကြောင်နေတဲ့ သင်္ဘောသားဆိုတဲ့ အကောင်ကလည်း
မင်းအဖေလိုလူအတွက် ကြောင်ခံတွင်းပျက်နှင့် ဆက်ရက်တောင်ပံကျိုးလို
ဟိုကောင့်အတွက်ကျတော့ ကံကောင်းတဲ့ကျား သွားရင်း
သမင်တွေ့ဆိုသလိုဖြစ်နေတာပေါ့။သူများ အကြောင်းလည်း မပြောချင်ပါဘူး အချစ်ရယ်
ဒီကောင့်မိဘက ချမ်းသာတော့ ကျားကြီး ခြေရာကြီး၊ ရွှေပင်နားတော့ ရွှေကျေးမျိုးတော့
ဖြစ်မှာပေါ့လေ။ တကယ်တော့ သူ့မိဘတွေဟာ ဒီယုန်မြင်လို့ ဒီချုံထွင်၊ ကြွက်သေတစ်ခု
အရင်းပြုရုံလေးနဲ့ စားရကံကြုံပြီး မုတ်ဆိတ်ပျားစွဲ၊ ထန်းသီးကြွေခိုက်
ကျီးနင်းခိုက်ဖြစ်လို့၊ ကြက်ကန်းဆန်အိုးတိုးကာ ယုန်ထောင်ကြောင်မိ
ဖြစ်သွားသူတွေပါ။ အများညီ ဤကိုကျွဲဖတ် ဆိုသလို လုပ်ချင်ရာလုပ်နေတဲ့
ပြောတော့ကြောင်သူတော် ယိုတော့ ကြွက်မွှေး ဆိုတာ သူ့မိဘတွေပေါ့။
ဆင်သတ်အရပ်ဝေပြီးမှ ဆင်သားရေကို ဆိတ်သားရေနဲ့ဖုံးချင်တာ
သူတို့အသိုင်းအ၀ိုင်းပေါ့။ ကိုယ် အထင်အကြီးပါဘူး။ အထင်လည်း မသေးပါဘူးနော်။
ဒီကောင်ကတော့ ကျွဲကူးရေပါ ဆိုတဲ့အတိုင်း သူစီးတဲ့မြင်း အထီးမှန်း အမမှန်းတောင်
မသိ၊ မိဘဆိုတာလည်း ကျီးဘုတ်ရိုသေ၊ ဘုတ်ကျီးရိုသေတဲ့ အဆင့်တောင်မရှိ၊
ခွေးကလေးအရောဝင် ပါးလျက်နားလျက်၊ ကျီးကန်းသူကောင်း မြှောက် ချေးကောက်စား
ဆိုတဲ့သူမျိုးပါ။ ထားလိုက်ပါလေ။ ခွေးရူးကောင်းစား တစ်မွန်းတည့်ပါပဲ။
အချိန်တန်တော့ နွားပိန်ကန်ပါလိမ့်မယ်။

တကယ်လို့ မင်းသာအဲဒီအကောင်နဲ့ညားရင် ဆင်နားရွက်ကြွက်တပ်၊ ကြွက်နားရွက်ဝက်တပ်
ပေးသလိုမျိုး ကို့ရိုးကားရား ဖြစ်နေမှာ။ မင်းအဖေကလည်း ကြောက်ပါတယ်ဆို
ကြောင်နဲ့တို့ ဆိုသလို မင်းမလိုချင်တာကိုပဲ စွတ်ပြီး ငါးကြင်းဆီနဲ့
ငါးကြင်းကျော်ချင်နေတာ။ ကိုယ်ကတော့ မင်းမိဘနှစ်ပါးကြောင့် ကျွဲနှစ်ကောင်ကြားထဲက
မြေစာပင်၊ ကျားချင်းကိုက်ရာ သမင်းလမ်းကူးမှား ဖြစ်မယ့်
မင်းဖြစ်အင်ကိုသာတွေးတွေး ရင်မောပြီး ကြမ္မာဆောင် သားကောင်ဆိတ်ဖြစ်နေပါပြီ။

တကယ်ပါအချစ်ရယ် မင်းအဖေဟာ ငှက်တစ်ကောင် မြားတစ်စင်း၊ ရှဉ့်တစ်ကောင် မြားတစ်စင်း
ဆိုတာကို မြင်ပုံမရဘူး။ ကြောင်ရုပ်ဖြစ်စေ ကြွက်သေတာလိုရင်းဆိုပြီး
စွတ်မိုက်နေတာ။ အင်း… မပြောချင်ပါဘူးလေ… ငါးတကာယိုသည့်ချေး ပုဇွန်ဆိတ်
ခေါင်းမှာစု လို့ပဲပြောပြော၊ ငါးခုံးမတစ်ကောင်ကြောင့် တစ်လှေလုံးပုပ်
လို့ပဲပြောပြော။ သူ့မိဘတွေကလည်း ဒီကောင့်ကြောင့် နာမည်ပျက်နေတာကြာပါပြီ။
တကယ်တော့ အညှီရှိရာ ယင်အုံဆိုသလို မင်းအဖေဆီကို ဒီကောင်ဟာ ငါးပွက်ရာငါးစာချဖို့
ရောက်လာတာပါ။ ပြီးတော့ ဆင်ကောင်ကြီး အမြီးကျမှတစ်ဆိုသလို၊ ငါးစိမ်းမြင်
ငါးကင်ပစ် လုပ်သွားဦးမှာ။ နောက်ဆုံးကျမှ ဒီကောင့်ကြောင့် လူတွင်ပါ
နွားကျားကိုက်ဆိုတဲ့အချိန်၊ ကျားသေကို အသက်သွင်းလို့ စင်းစင်းသေပါပြီလို့
မင်းအဖေအော်နေဦးမှာ။ အဲလို ဖွတ်ထွက်မှ တောင်ပို့မှန်းသိတဲ့အချိန်မှာ ကျားရှေ့
မှောက်လျက်လဲသလိုဖြစ်နေမယ့် မင်းအဖေရဲ့ ကိုယ့်ယောက္ခမလောင်းကြီးရဲ့
သေချင်တဲ့ကျား တောပြောင်းအဖြစ်ကို ကိုယ်မြင်ယောင်မိနေတယ်။

မင်းအမေကြီးကျတော့လည်း ဒီကောင်နဲ့ပေးစားချင်တိုင်း သမီးတစ်ကောင်
နွားတစ်ထောင်ဆိုပြီး အရပ်ထဲမှာ လက်ပံပင်ဆက်ရက်ကျသလို ပွက်ပွက်ညံနေပါရော။
တကယ်ကျတော့ ရှမ်းကြိုက်နွားချောဆိုတာ ကိုယ်ကတော့ မြွေမြွေခြင်း
ခြေမြင်ပြီးသားပါနော်။ အင်း… နွားအို မြက်နုကြိုက်သလို မင်းအဖေကြီး
ငွေကြိုက်တာလည်း နွားငတ်ရေချ ဆိုသလို၊ ကိုယ့်အတွက်တော့
အထူးအဆန်းမဟုတ်တော့ပါဘူး။ မင်းအဖေက ဆင်သွားရင် လမ်းဖြစ်မယ်လို့ ထင်နေတာလေ။
ငါးစာသာမြင် ငါးမျှားချိတ်မမြင် ဆိုသလိုမျိုး ဖြစ်နေတာပေါ့။ ဒါထက်
သမီးချောလေးအရှိန်နဲ့ ဆင်ဖြူတော်မှီပြီး ကြံစုပ်၊ မျောက်ပြဆန်တောင်း
လုပ်နေတယ်လို့လည်း မပြောချင်ပါဘူး။ နွားပေါ့ အစွံထုတ်လို့ ပြောရင်
မင်းပါစိတ်ဆိုးတော့မယ်။ အင်း… ဆင်ဖြူ့မျက်နှာ ဆင်မည်းမကြည့်ဝံ့ ဆိုသလို
ကိုယ့်ရဲ့ မိဘ Background ကလည်း သူ့အတွက်ဆို နွားပျိုသန်လှ နွားအိုပေါင်ကျိုး
သာသာပဲရှိတော့… အင်း… ယုန်အတွက် ချုံကကြောင့်ကြနေရတာပေါ့။

မင်းအဖေကပြောတာ။ ကိုယ့်ကို ခွေးမသား တဲ့။ ခွေးမြီးကောက် ကျည်တောက်စွပ်တဲ့။
မင်းကိုလည်း မွဲချင်တဲ့ခွေး ပြာပုံတိုးဆို။ ဟုတ်ချင်လည်းဟုတ်မှာပါ
ကိုယ့်အခြေအနေကလည်း လူမလေး ခွေးမခန့်တဲ့ အပြင်၊ အရပ်ကလည်း ခွေးပစ်တဲ့
တုတ်သာသာရှိတော့… ကိုယ်နဲ့ပေးစားမယ့်အစား ခွေးအမြီးဖြတ်ပြီးသာ ပေးစားမယ်တဲ့။
အဲဒါကို ဟိုအကောင်ကြားရင် သူ့ကို ခွေးအမြီးပြတ်နဲ့ နှိုင်းတယ်ဆိုပြီး
စိတ်ဆိုးဦးမယ်။ တကယ်ကျတော့ ကိုယ်ဟာ ခွေးရူးဖက်ကိုက်
ခွေးကောင်းနားရွက်ပြတ်ဖြစ်သွားမှာ ကြောက်တဲ့ ခွေးဖြူတောမတိုးဝံ့တဲ့သူပါ။ ကဲပါ…
ခွေးဟောင်လို့ တောင်ပို့မပြေးနိုင်ပါဘူး။ ပိုနေမြဲ ကျားနေမြဲပါအချစ်ရယ်။
တစ်ခုတော့ မင်းအဖေကိုပြောချင်တယ်။ ဟောင်လွန်းသည့်ခွေး လူမလေးတတ်ဘူးဆိုတာကို။
ကျန်သေးတယ်….. မင်းအဖေကပဲပြောတာနော် ကိုယ်ဟာ တော်တော် နွားကျတဲ့ကောင်တဲ့။
ကိုယ်ကလည်း ဘယ်ရမလဲ၊ ဒါပေမဲ့ ခင်ဗျားလို ငါ့စကားနွားရ မပြောတတ်ဘူး၊
နွားသိုးကြိုးပြတ် မရမ်းတတ်ဘူးလို့ နွားရှေ့ ထွန်ကျူးပြလိုက်တာပေါ့။

အချစ်ရယ် ကိုယ်ဒီစကားတွေပြောနေရတာ ကျားလိုက်မှ တုတ်ခုတ်၊ ဆင်လိုက်မှ
သစ်ပင်ရှာတာ မဟုတ်ပါဘူးနော်။ ကိုယ့်မှာ ရှာသမျှ ပိုက်ဆံကလည်း သမင်မွေးရင်း
ကျားစားရင်း ဆိုသလိုဖြစ်၊ ကံအကြောင်းက မသင့်လေတော့ မြွေပွေး
ခါးပိုက်ပိုက်မိလျက်သားလည်းဖြစ်၊ ကျားချင်းကိုက်ရာ သမင်ကူ မမှားဖို့အရေး၊
ပျားလည်းစွဲသာ ရှဥ့်လည်းလျှောက်သာ ဖြစ်အောင်လုပ်ရင်း မြွေမသေ တုတ်မကျိုး Style
မျိုးဖြစ်သွားတော့၊ ဖွတ်မရ ဓါးမဆုံး၊ ငါးမရ ရေချိုးပြန်ရုံ လေးပါ။
ကိုယ့်မှာတော့ ကျားလည်းကြောက်ရ ကျားချေးလည်းကြောက်ရဆိုသလို မင်းမိဘကော၊
မင်းကိုပါလန့်ပြီး ကျားရဲရာ ကြမ္မာမရိုးသာဆိုသလိုဖြစ်နေရပါပြီလေ။ တကယ်တမ်းဆိုရင်
ကိုယ်ဟာ မြင်းကောင်းခွာလိပ် လေးပါကွယ်။ မင်းအဖေကလည်း ကိုယ်ကမင်းကို
ချစ်ပါတယ်ပြောတိုင်း ကြိုးကြာဆို ဘာငှက်လဲ၊ ကျားကိုက်ပါတယ်ဆို နာတာရှည်လားချည်း
လာလာမေးနေလေတယ်။ ဆင်ကောင်ကြီးတွေ့မှတော့ ဆင်ခြေရာရှာစရာ လိုတော့မလားကွယ်။
ကိုယ်ကလည်း မင်းအဖေရှေ့မှာ ကျွဲပါး စောင်းတီး… အဲ… မိကျောင်းမင်း ရေခင်းပြတွေ
ခဏခဏမလုပ်ချင်ပါဘူးလေ။ လူပဲအချစ်ရယ် စင်းလုံးချောတော့ ဘယ်ပြည့်စုံမလဲ။
သိကြားမင်းတောင် ကျွဲယောင်ဆောင်တာ ဂျိုကားတယ်လို့ ပြောခံရသေးတာပဲ။ ထားဗျာ။
ပုံလုံတစ်လှည့် ငါးပျံတစ်လှည့် ဆိုတဲ့နေ့ကျရင်တော့ သူသိမှာပါလေ။ ဒါမှမဟုတ်များ
ယာလည်းညက်စေ ကြက်လည်းပန်းစေလို့များ လုပ်နေသလားမသိဘူးလေ။

မပြောချင်ပါဘူး အချစ်ရယ် လင်းတလောက်တော့ ငှက်တိုင်းလှနိုင်ပါတယ်။
နွားကြော့ဆိုလေ ချုံတိုးလေဆိုတာမျိုး ကိုယ်မလုပ်တတ်ပါဘူး။ အလကားရတဲ့ သမက်… အဲ…
နွား သွားဖြဲကြည့်မနေပါနဲ့လို့။ မကောင်းပါဘူးလေ။ နှံပြည်စုတ်
အမြှောက်နဲ့ချိန်တတ်တဲ့ မင်းမိဘတွေကို လက်တုန့်မပြန်ချင်ပေမယ့်လည်း
တခါတခါကျရင် အကြံကုန် ဂဠုန်ဆားချက်လုပ်ပြီး ကြွက်မနိုင် ကျီမီးရှို့ချင်
ရှို့ပစ်မိတော့မှာ။ ရော့…ပတ္တမြား ရော့…နဂါး မှလုပ်တတ်တဲ့ မင်းမိဘတွေကို
ဆင်လည်းဆင်အထွာနှင့် ပုရွက်ဆိတ်လည်း ပုရွက်ဆိတ်အထွာ နဲ့ပါလို့
ကြုံရင်ပြောလိုက်စမ်းပါ။ ဘာပဲဖြစ်ဖြစ်လေ မိဘဆိုတာ သားသမီးကို ဆင်စီးပြီး
မြင်းရံစေချင်တာကို ကိုယ်သိပါတယ်။ ဒီတော့ မျောက်သားစားချင်
မျောက်မျက်နှာကြည့်ဆိုသလို ကိုယ်နာလည်ပေးရမှာပေါ့။

တကယ်ပါ အချစ်ရယ် ကိုယ့်ဘ၀ဟာ ရေတွင်းထဲက ဖားသူငယ်လို၊ ကိုယ့်အဖြစ်ဟာ
ပေါ့စေလိုလို့ ကြောင်ရုပ်ထိုး ဆေးကြောင့်လေးဆိုသလိုဖြစ်ရုံမက
ကိုယ့်အသည်းနှလုံးတွေဟာ မင်းနဲ့ဝေးမှ ကျီးကန်းတောင်းမှောက်၊ ငါးရံ့ပြာလူး၊
ကြောင်မရှိကြွက်ထ ဆိုသလိုမျိုး ဖြစ်နေပါပြီ။ ဒီလောက်လှတဲ့ သမီးမျိုးကို
မွေးထားတဲ့ မင်းအဖေကို ပြောလိုက်ပါ။ အိုင်တွေ့လို့မှမလူး ကျွဲရူး၊
ငါးကြော်မကြိုက် ကြောင်မိုက်ဖြစ်သွားမှာပေါ့လို့။ ဘာပဲပြောပြောပါ။ မင်းမရှိတဲ့
ကိုယ့်ဘ၀ဟာ နွားကွဲ ကျားကိုက် ဆိုသလို ဖြစ်လို့၊ မင်းဆီက ကိုယ်မျှော်နေတဲ့
အချစ်တွေကလည်း ကျားသနားမှ နွားချမ်းသာရမဲ့ ဘ၀မျိုးဖြစ်နေပါပြီ။ ယုံပါ၊ ကိုယ်ဟာ
မျက်နှာမများတတ်သလို လယ်ထွန်သွား နွားမေ့ လူစားမျိုးလည်း မဟုတ်တာ အမှန်ပါ
အချစ်ရယ်။

တကယ်ပါအချစ်ရယ်… ကိုယ့်ရင်ထဲက အချစ်တွေဟာ မင်းတုန့်ပြန်မှ စူဠလိပ်
ရေထဲလွှတ်သလိုမျိုး စိုင်ကော်လို့ချုံပေါ်ရောက်ပြီး ရွှေပင်မှာနားတဲ့ ရွှေကျေးလေး
ဖြစ်တော့မှာပါ။

ဘ၀တိုင်းဆုံတွေ့ချင် ပါသလားတဲ့..

ဒီနေ့ ဘာရေးရမယ်မှန်းမသိဘူး..ချစ်သူကို လွမ်းနေရတာလည်း နေရခက်တယ်...အော် တွေပြီ...
လူတိုင်းသိချင်မှ လည်းသိအုံးမယ်..သိချင်လည်းသိမယ်...ချစ်ရသူတွေ ဘ၀တိုင်းဆုံတွေရအောင် ဆိုပြီး..သူငယ်ချင်းဆီက ရောက်လာတဲ Fwd မေလ်းကိုပဲ ပြန်တင်လိုက်တော့ မယ်...ချစ်သူလေးရယ်
ကို လည်းမင်းနဲ့ ဘ၀ဆက်တိုင်းဆုံးတွေ့ချင်ပါတယ်....ဒီဘ၀မှာလဲ ဆံဖြူသွားကျိူးသည့် တိုင်အောင်
အတူတူနေချင်ပါတယ်...ကိုချစ်ရသူနဲ့ပေါ့... သိပ်ချစ်ပါတယ်ချစ်ရသူရယ်..

“ကိုလေးရေ ဒီမှာ ကြည့်ပါဦး ၊ သတင်းစာထဲမှာ ”
“ ဖတ်ပြပါဦး ၊ ဘာပါလို့ လဲ”
“ ဆယ်နှစ်မြောက်မင်္ဂလာ ကိုမောင်မောင်နိုင်+ မဇင်မာဝေ တဲ့ ၊ သူ့အောက် တည့်တည့်မှာကျတော့ နှစ်ဦး သဘော တူကွာရှင်း ပြတ်စဲခြင်းကိုစိုးသိန်း+မစန္ဒာ တဲ့ ”
“ဘာလဲ အဒါတွေက ညီမလေး အသိတွေ ဖြစ်နေလို့လား”
“ မသိပါဘူးကိုလေးရဲ့ ၊ စာတစ်စုတည်းမှာဖတ်ရသူအဖို့ခံစားမှု နှစ်မျိုးတစ်ပြိုင်တည်းပေးနေလို့ ”
“ ဘယ်လို ခံစားမှုမျိုး တစ်ပြိုင်တည်း ပေးနေလို့လဲ”
“ ဒီလိုကိုလေးရဲ့ အထက်ကဆယ်နှစ်မြောက်မင်္ဂလာသတင်းဖတ်ရတော့စိတ်ထဲဝမ်းမြောက်မိတယ်ပေါ့၊အောက်က နှစ်ဦး သဘောတူကွာရှင်းပြတ်စဲခြင်း သတင်း ဖတ်ရတော့ စိတ်မကောင်း ဖြစ်မိတယ် ၊ အဲဒီ သဘောကို ပြောတာပါ ကိုလေးရဲ့ ”
“ဒီလိုပါပဲညီမလေးရယ်၊ကိုယ်နဲ့မဆိုင်ပေမယ့်ဝမ်းသာစရာရှိရင် ၀မ်းသာပေးမယ်၊ ၀မ်းနည်းစရာရှိရင်ဝမ်း နည်း ပေးမယ် ဒါမြန်မာတွေရဲ့ ဓလေ့စရိုက် တစ်ခုပဲလေ”
“ညီမလေး စာတစ်ခုထဲမှာ ဖတ်ရဘူးတယ် ကိုလေးရဲ့ မြန်မာတွေမှာ ချစ်စရာ ကြည်ညိုစရာ ကောင်းတဲ့ ဓလေ့စရိုက်တွေ အများကြီး ရှိတယ်တဲ့ ၊အဲဒီ ဓလေ့စ၇ိုက်တွေထဲမှာတစ်လင်တစ်မယား စနစ်ဟာလဲတစ်ခု အပါအ၀င် ဖြစ်တယ်တဲ့တစ်လင် တစ်မယားစနစ်ဟာ တစ်ရွေ့ရွေ့ကွယ်ပျောက်နေပြီလားမသိဘူးနော်၊နောက်ရှိသေးတယ်.ကိုလေးရဲ့အထီးကျန်မှုများစွာ တွေထဲမှာ.အိမ်ထောင်ရေး အထီးကျန် မှုဟာပြင်းထန်ဆုံးခံစားမှုကိုဖြစ်စေတယ်တဲ့.ပြိးတော့အိမ်ထောင်ရေးအထီးကျန်မှုဟာ အသက်ကိုတိုစေတယ်လို့လဲဖတ်ဖူးတယ်ဟုတ်လားတော့မသိဘူး”
“ငါ့ညီမကတော့..စာစုံဖက်ထားတာပဲ”
“ကိုလေးပဲစာစုံဖတ်ဆို”
“ကိုယ့်စကားနဲ့ ကိုယ့်ကိုပြန်ပြောနေတော့ ဘာပြန်ပြောရမှန်း တောင်မသိတော့ဘူး၊ဟုတ်တယ်ညိမလေးရဲ့ အိမ်ထောင်ရေး ပဋိပက္ခဖြစ်လာရင်ကာယကံရှင် တွေတင်မကဘူး၊သူတို့နဲ့နွယ်တဲ့ ကလေးတွေပါစိတ်ဒုက္ခရတော့တာပဲ”
“ဒီမှာကိုလေးရဲ့၊သတင်းစာမှာတစ်ပုဒ်ပါသေးတယ်၊နိဗ္ဗာန်မရောက်သေးခင်သံသရာခရီးတစ်လျှောက်ထာဝ ရလက်တွဲသွား ရပါလို၏တဲ့၊အဲဒီဆုတောင်းလေးကလှတယ်နော်၊ဒါနဲ့နေပါဦးကိုလေးရဲ့၊သူတို့ဆုတောင်းတဲ့ တိုင်းလောကမှာသံသရာခရီး တစ်လျှောက်နိဗ္ဗာန်ရတဲ့ထိပေါ့ထာဝရလက်တွဲသွားလို့ရနိုင်ရဲ့လားကိုလေးရဲ့“
“ရတာပေါ့ညီမလေးရဲ့ဘုရားဟောပါဠိတော်တွေထဲမှာအများကြီးတွေ့ရပါတယ်။ တွေ့ရုံတင်မကဘူး နိဗ္ဗာန် မရောက်မီဘ၀ တိုင်းဆုံတွေ့ချင်သူတွေအတွက် လမ်းညွှန်ဟောကြားထားတာတွေတောင်ရှိသေး တယ်”
“ဟာ..ဟုတ်လားကိုလေးရဲ့၊စိတ်ဝင်စားစရာပဲ၊ဘ၀တိုင်းဆုံတွေ့ချင်ရင်ဘာလုပ်ရမလဲပြောပြပါဦး”
“အဲဒီအကြောင်း အင်္ဂုတ္တရနိကာယ်ပုညာဘိသန္ဒ၀ဂ် ပထမသမဇီဝိသုတ်မှာဟောထားတာရှိတယ်”
“ပြောပါဦးကိုလေး”
“ဘဂ္ဂတိုင်းသုသုမာရဂိရမြို့ဘေးသကာတောမှာမြတ်စွာ ဘုရားသီတင်းသုံးစဉ်တုန်းကပေါ့၊မြတ်စွာဘုရား ကနံနက် ရောက်တော့သင်းပိုင်၊ကိုယ်ဝတ်တွေကိုသေသပ်စွာပြန်ဝတ်၊သပိတ်၊သင်္ကန်းကို ယူပြီးနကုလပိတာနဲ့နကုမာတာတို့ဇနီးမောင်နှံအိမ်ကိုကြွသွားတယ်၊အကြောင်းမဲ့ကြွတာတော့မဟုတ်ဘူး။ရှိခဲ့ဘူးတဲ့ကျေးဇူးကိုပြန်ဆပ်ချင်လို့၊ဒီလို ညီမလေးရဲ့နကုလပိတာဟာဘ၀ငါးရာမြတ်စွာဘုရားရဲ့ဖခင်၊ ဘ၀ငါးရာမြတ်စွာဘုရားရဲ့ဘထွေး (ဦးလေး)ဖြစ်ခဲ့ဖူး တယ် ၊ဒီအတူပဲနကုလမာတာဟာလည်းဘ၀ငါးရာမြတ်စွာ ဘုရား ရဲ့မိခင်၊ အဖွား၊မိထွေး(ဒေါ်လေး၊အရီး)ဖြစ်ခဲ့ဖူးတယ်၊ဒါကြောင့်ကြွသွားတာ။အိမ်ရောက်တော့ဘ၀အဆက်ဆက်ဘ၀အဆက်ဆက်သံယောဇဉ်ဖြစ်ခဲ့တဲ့အတွက်နကုလပီတာ တို့ဇနီးမောင်နှံဟာ မြတ်စွာဘုရားကို“ချစ်သား၊ချစ်သား”လို့နှုတ်ကအလိုလိုထွက်ခေါ်မိတဲ့အထိဖြစ်သွားတယ်၊ပြီးတော့ နကုလ ပိတာ တို့ဟာ မြတ်စွာဘုရားကိုမြင်တာနဲ့ တစ်ပြိုင်နက်သော တပန်ဖြစ်သွားတယ်နောက်မြတ်စွာ ဘုရားကနကုလပိတာတို့ခင်းထားတဲ့ နေရာမှာထိုင်တော်မှုတယ်ပေါ့လေ။ အဲဒီအခါမှာနကုလပိတာက မြတ်စွာ ဘုရား ကိုဒီလိုလျှောက်တယ်။
“ဘုန်းတော်ကြီးတော်မူသောမြတ်စွာဘုရား၊ ဘုရားတပည့်တော်သည် ငယ်ရွယ်စဉ်အခါကပင်လျှင် ငယ်ရွယ်သော နကုလမာတာကို ထိမ်းမြားလက်ထပ်ခဲ့ပါတယ်။လက်ထပ်ထိမ်းမြားချိန်ကစပြီးယနေ့အထိ နကုလ မာတာ မှတစ်ပါးအခြားသော အမျိုးသမီးနှင့်ဖေါက် ပြန်ကျူးလွန်ခြင်းမရှိပါ၊ ယခုမျက်မှောက်ဘ၀၌ လည်း တစ်ယောက်မျက်နှာ တစ်ယောက်ကြည့်ပြီး နားလည်မှုများစွာ နဲ့ မခွဲမခွာ သက်ဆုံးတိုင်ထာဝရက်တွဲ သွားလိုပါတယ်ဘုရား၊ အဲဒီအတွက် ဘယ်လိုကျင့်ကြံနေထိုင်ရမယ်ဆိုတာကိုလမ်းညွှန်တော်မူပါဘုရား”
“နကုလပိတာကမြတ်စွာဘုရားကိုအဲဒီလို လျှောက်ပြီးတော့နကုလမာတာကလည်းအားကျမခံ တပည့် တော်မ သည်နကုလပိတာ မှတစ်ပါးအခြားသေယအမျိုးသားနှင့်ဖောက်ပြန်ကျူးလွန်ခြင်းမရှိပါ။ ဘာညာပေါ့လေ နကုလပိတာ ပြောတဲ့အတိုင်းပြန်လျှောက် တယ်၊ဒီနေရာမှာနကုလပိတာတို့ကိစ္စကိုစကားရပ်ပြီးပြောစရာတစ်ခုကိုသတိရတယ်”
“ပြောပါဦးကိုလေးဘာကိုလဲ”
“လူနှစ်ယောက်ဟာ အခုပစ္စုပ္ပန်ဘ၀မှာတွေ့ကြုံဆုံတွေ့ ပေါင်းသင်းရတာ ဟာအကြောင်း နှစ်ချက်ကြောင့် ပဲဇာတကအဋ္ဌကထာ ပထမအုပ်မှာ ဂါထာတစ်ပုဒ်ပြထားတယ် အဲဒီဂါထာကပုဗ္ဗေ၀သန္နိဝါသေန၊ ပစ္စပ္ပန္နဟိတေန၀ါ၊ဧ၀ံတံဇာယတေပေမံ၊ဥပ္ပလံဝယ ထောဒကေ၊အနက်ပါတစ်ခါတည်းပြန်ပြမယ်နော်”
“ဟုတ်ကဲ့ကိုလေး”
“ဥပ္ပလံဝါ-ကြာညို၊ကြာဖြူ၊ကြာနီသည်လည်းကောင်း၊အညံဝါ-အခြားသောပဒုမ္မာ စသောကြာသည် လည်း ကောင်း၊ ဥဒကေ-ရေ၌၊ ဇယမာနံ-ပွင့်ထါန်းပေါ်ပေါက်လာသည်ရှိသော်၊ဒွိဟိကာရစေဟိ-ရေနှင့်ညွန်ဟူသော နှစ်ပါးသော အကြောင်း တို့ကြောင့်၊ဇာယတေ ယထာ-ဖြစ်ပေးလာရသကဲ့သို့။တထာ-ထို့အတူ၊တံပေမံ-ထိုချစ်ခြင်းသည်၊ ပုဗ္ဗေ-ရှေ့ဘ၀၌သန္နိဝါသေန၀ါ - အတူတကွနေထိုင်ခဲ့ ရခြင်းကြောင့်လည်းကောင်း၊ ပစ္စုပ္ပန္န ဟိတေန၀ါ - ပစ္စုပ္ပန် ဘ၀၌အကျိုးစီးပွါးကို ဆောင်ရွက်ပေးခြင်းကြောင့်လည်းကောင်း၊ ဧ၀ံ-ဤနှစ်ပါး သော အကြောင်းတို့ကြောင့် ဇာယတေ - ဖြစ်၏ ”
“ အဓိပ္ပါယ် ပြောပြပါဦး ကိုလေးရဲ့”
“ကြာညို၊ကြာဖြူ၊ ကြာနီ ၊ ပဒုမ္မာကြာ စသည်တို့ ဖူးပွင့်ပေါ်ထွက်ရခြင်းဟာ ရေနဲ့ညွန် နှစ်ပါးသောအကြောင်းကြောင့် ဖြစ်ပေါ်ရ သလို ဒီအတူပဲတဲ့ လူနှစ်ယောက် အခု ပစ္စုပ္ပန် ဘ၀မှာ ချစ်ခင်တွေ့ကြုံပေါင်းသင်းရခြင်းဟာလည်းအတိတ်ဘ၀၌အတူတကွနေထိုင်ခဲ့ရခြင်း ယခုပစ္စုပ္ပန်ဘ၀၌(မိမ်ိပေါင်းသင်းရသူရဲ့)အကျိုးစီးပွါးကို ဆောင်ရွက်ပေးခြင်း၊ အဲဒီအင်္ဂါ နှစ်ချက်ကြောင့် ပဲတဲ့ညီမ လေးရဲ့”
“အဲဒီအကြောင်းကိုလေးပြောပြမှပဲ ကြားဖူးတော့တယ်”
“ ကဲ အဲဒီဟာ ဒီမှာရပ်လိုက်တော့၊နကုလပိတာတို့ အကြောင်း ပြန်ဆက်ရအောင်၊ နကုလပိတာ တို့ကမေးတော့ မြတ်စွာဘုရားက ပြန်ဖြေတယ်။“နကုလပိတာနှင့်နကုလမာတာတို့၊သင်တို့ဟာယခုဘ၀သာမကနောင်သံသရာဘ၀အဆက်ဆက်ထာဝရပေါင်းသင်း နေထိုင်သွားလိုလျှင်
၁။တူညီသောသဒ္ဒါတရားရှိခြင်း
၂။တူညီသောသီလရှိခြင်း
၃။တူညီသောပေးကမ်းစွန့်ကြဲမှုရှိခြင်း
၎။တူညီသောဥာဏ်ပညာရှိခြင်း
ဤအင်္ဂါလေးပါးနှင့် ပြည့်စုံပါက သင်တို့အလိုရှိတဲ့အတိုင်းဖြစ်စေရမည်လို့ မိန့်တော်မူတယ်၊ မိန့်ပြီးတော့ ကျောင်းကိုပြန်ကြွသွား တော်မူတယ်ပေါ့လေ”
“ဒီနေရာမှာ ကိုလေးကို စောဒက တစ်ခုဝင်ချင်တယ်” “၀င်ပါဦး”
“နံပါတ်လေးတူညီသောဥာဏ်ပညာရှိခြင်းဆိုတဲ့နေရာမှာဥပမာပေါ့လေ၊ယောင်္ကျားကဘီအက်စီဘွဲ့ရတယ်၊မိန်းမကဆယ်တန်း မအောင်ဘူး၊အဲဒီလိုဆိုရင်ဘယ်လိုလုပ်မလဲ၊ လောကမှာ ပညာတူဖို့ဆိုတာ လွယ်တဲ့ကိစ္စမှ မဟုတ်ဘဲကိုလေးရဲ့”
“ဟာငါ့ညီမကတော့လုပ်ပြီးတူညီသောဥာဏ်ပညာရှိခြင်းဆိုတာလောကီအတန်းပညာကိုပြောတာမဟုတ်ဘူးငတုံးမလေးရဲ့”
"ဒါဖြင့်ဘာကိုပြောတာလဲ အစ်ကိုပညာရှိကြီးရဲ့ ”
“ ဥာဏ်ပညာတူရမယ်ဆိုတာကောင်းတာကိုလုပ်ရင် ကောင်းတဲ့အကျိုးခံစားရမယ် ၊ မကောင်းတာကိုလုပ် ရင်မကောင်း တဲ့အကျိုး ခံစားရတယ်။ အဲဒီလိုအကြောင်းအကျိုး ၊ အကောင်းအဆိုးကိုခွဲခြားဝေဖန်နိုင်တဲ့ ဥာဏ်ပညာမျိုးကို ပြောတာ ။ ငတုံးမလေးရဲ့ ”ညီမလေးရေဒီလောက်ဆိုတောရောပေါ့ မေးစရာရှိရင် နောက်မှပဲ ဆက်မေးတော့ ၊ ကိုလေးမြို့ထဲ သွား စရာ ရှိသေးတယ် ”
“ ဟုတ်ကဲ့ကိုလေး ”